«Социальное партнерство» конкурсонь изницятне»

Башкиров Вячеслав Никифорович - Мордовия Республикань культурань министерствань Государственной камерной хоронь директор. Проектэнь теманть лемезэ (сермадсынек рузокс): "Диалог двух субэтносов мордовского этноса (эрзя и мокша) через особенности хорового многоголосия и ладового строения".

Сон чачсь Саранскойсэ. Тонавтнесь эйкакшонь 1 № музыкальной школасо, музыкальной училищасо дирижеронь ды фортепьянань класстнэнь коряс. Мейле сась тонавтнеме Н.П.Огарев лемсэ МГУ-нь исторической факультетэв, конань прядомадо мейле поладызе тонавтнеманзо аспирантурасо. Седе тов эрямонь кизэ ветизе Зубова Полянав, косо карми тонавтомо пакшат эйкакшонь музыкальной школасо. Аламо шкань ютазь уцясказо "панизе" седеяк васов - "Байконур" космодромов, косо сон ульнесь ракетной войскань моронь ды киштемань ансамблясо. 1968 иестэ велявты Мордовияв, карми тонавтомо эйкакшт Саранскоень зярыя школасо. Ды вана уш кеменде ламо иеть топавты Мордовиянь культурань министерствань Государственной камерной хоронь директоронь тевтнень. Сонзэ пингстэ хорось теевсь профессиональной кеме коллективекс, конадо паро кулясь пачкодсь пек васолга. Сон - ламо фествалень дипломант. Ней вана кармась "Мегапроект Саратов-2001" ярмаркань изницякс. Неть изнявкстнэде весемеде покш путовксозо хоронь директоронть В.Н.Башкировонь, кона весе виензэ путы эсензэ коллективенть лезэс. Вячеслав Никифорович сонсь арси лиякс:
- Неть изнявкстнэ аволь монь. Сынь - эрзянь, мокшонь весе раськенть, кона ламо пингень перть таштась купьтурань покшто-як покш сюпавчи. Саемс фольклоронть. Те — потмакстомо лисьмапря, кона зярс иля амоля эйстэнзэ, а прядови, а коськи. Мо-ротнедеяк певтеме. Сынь те шкас пурназь аволь весе. Терявтнесть тень тееме ламот. Сехте покш путовксост теньсэ Л.П.Кирю-ковонь, Л.И.Воиновонь, Г.И.Сураев-Коро-левонь. Масторов сюконявлинь неть ломан-тнень икелев. Пек ламо теить те тевсэнть Н.И.Бояркин, Г.Вдовин, Н.В.Кошелева, Н.Митин, Н.Кузина ды лият. Верянь ансяк се, минек эсенек республикасо арасть шко-лат, конатнесэ анокставольть эрзянь, мок¬шонь моронь содыця кадрат. Ськамонзо музыкальной школа-интернатось, сеяк, кой-сэм, тевензз вети аволь истя. кода бу эряволь. Бояркин, се - да, аноксты ды аноксты алкуксонь кадрат. Минек хороськак весе-менть теи эрзянь, мокшонь музыкальной искусстванть лезэс. Виде, аволь весемесь моли валанясто. Эрьва кодат стакачить, пирявкст стякшныть икеленек. Be шкане натой пекстыксэлимизь- Цидярдомс вийть макесь тенек кемемась: минь тейтяно паро тев, а макстано куломс эрзянь, мокшонь музыкальной творчествантень. Минек чарь-кодимизь ды секс.паряк, лисинек изницякс. Теде башка мерян, те изнявксось аволь уле, бути авольть лезда тенек истят ломантне, кода эрзянь поэтэсь И.А.Калинкин, искусствоведэсь Т.И.Одинокова ды (энялдан: илинк стувто сонзэ лемензэ) Мордовиянь культурань неень министрась П.Н.Тултаев

"Эрзянь правда ", 2001 г.